Рекордна продажба на албумите на Ејми Вајнхаус
За само еден ден продажбата на албумите на пејачката Ејми Вајнхаус, која беше пронајдена мртва во саботата во својот стан во Лондон се зголеми за 37 отсто, а според компанијата "Офишал чартс", се очекува овој тренд да продолжи и во наредниот период.
Вајнхаус се искачи на врвот на топ листата на "Тјунс" со албумот од 2006 година "Back to Black", за кој освои пет награди "Греми" во САД и кој проблематичната лондонска девојка ја претвори во светска ѕвезда. "Back to Black" ја исфрли од првото место на топ листата на "Тјунс" британската пејачка Адел.
Порастот на продажбата потсетува на случајот со Мајкл Џексон, чии синглови и албуми ги зазедоа првите места на светските топ листи по неговата смрт. Богатството на Џексон се зголеми за 310 милиони долари благодарејќи на продажбата на албумите и останатите изданија. |
