ЈП ќе ги плаќаат долговите на рати

Градските јавни претпријатија во иднина даночните долгови ќе можат да ги плаќаат на рати, информираше вчера градоначалникот на Скопје и претседател на ЗЕЛС, Коце Трајановски. Оваа шанса им ја овозможува новиот предлог-закон за плаќање на рати на даночни долгови на јавните претпријатија и трговски друштва. Предлог-законот, кој е иницијатива на ЗЕЛС, е веќе даден во Собранието и завршено е првото читање.

На 120 месечни рати ќе може да се плаќаат долговите од ДДВ, персонален данок и данок на добивка на 120 месечни рати, со грејс-период од три години. Трајановски информираше дека градските јавни претпријатија најмногу должат по основ на ДДВ, а дел од нив неколкупати се соочуваа со блокирање на сметките од страна на Управата за јавни приходи.

Со овој закон се отпишуваат каматите, а за грејс-периодот од три години општините и јавните претпријатија ќе можат да го подобрат своето работење и да ја набават потребната опрема. (С.Н.)