АНЏЕЛИНА ЏОЛИ И БРЕД ПИТ
Бракот сериозно загрозен
Откако пред неколку недели го видела својот сопруг Бред Пит како ја масира нивната негувателка за децата, Анџелина Џоли заминала во еден хотел во Њујорк, со што се потврдиле приказните дека бракот помеѓу оваа двојка бил доведен во прашање.
Почетокот на нивната брачна криза се случил откако Џоли не можела да се смири по сликата што ја видела во нејзиниот дом, додека негувателката уживала во масажата на Пит.
Не можејќи да ја контролира својата љубомора, Џоли му удрила шлаканица на Пит, по што дел од своите работи од заедничката соба ги преместила во друга соба, што ги потврдил и извор близок на актерката.
„Анџелина е сериозно лута на Бред поради ситуацијата со негувателката. Тие двајца од тој момент спијат во одвоени соби. Бред почна да спие со децата и моментално не е пожелен во друштво на Анџелина“, изјавил изворот.
Бред Пит се надевал дека Џоли ќе попушти, но нејзиниот гнев се зголемил, па одлучила да замине од домот во еден хотел во Њујорк, оставајќи го него со децата.
Сакајќи да ја смири ситуацијата, Пит веднаш се упатил кон Њујорк каде што Џоли снима филм и најмил куќа во близина на хотелот, надевајќи се дека Џоли наскоро ќе се врати на старите обврски. |
