Рис Витерспун
Неомилена поради две магариња
Актерката Рис Витерспун веќе не е омилена во соседството. Во својот двор направила штала за две магариња, а викањето на животните го крева на нозе целото соседство, па прагот на младата актерка секое утро е преполно со протестни писма. „Не сакаме таа да се исели, само сакаме да ги стивне тие животни“, изјавил еден сосед.
Актерката неодамна гостувала кај Елен Деџенерис и раскажувала за проблематичните животни. Станува збор за минијатурни магариња Хонки и Тонки. „Тие последни стигнаа на имотот. Најмногу се дружат со коњот. А имам и две свињи, три кози, 20 кокошки и три кучиња“, кажала Рис, која од почетокот ги учи своите деца да се грижат за животните.
„Ги учам на одговорност и сочувство. Веќе знаат и да ја исчистат шталата“, гордо изјавила актерката. |
