Нов случај на сида во Битола

БИТОЛА - Нов заболен од сида е регистриран оваа година во Битола. Тој е дел од вкупно шестемина битолчани кај кои во изминатите 23 години била дијагностицирана оваа опасна болест. Од оваа бројка, тројца се ХИВ позитивни, а другата половина заболени од сида. Од нив, две биле жени, а четворица мажи. Со вакви податоци денови излезе Центарот за јавно здравје од Битола. Според нивниот извештај, двајца од заболените од сида веќе починале.

Битолските епидемиолози велат дека оваа година дури 24 граѓани доброволно се тестирале за да го проверат својот ХИВ-статус. Најголем дел од нив биле мажи, а според работниот статус, имало седуммина вработени и исто толку невработени, петмина студенти, па дури и еден пензионер, кој бил изложен на ваков сексуален ризик.

Од тестираните граѓани се утврдило дека сите се хетеросексуалци и дека најго��ем дел од нив не практикуваат безбеден секс. Жените многу ретко одат на гинеколог. (А.Б.)