Кој го изостави Шоров?
Името и' познато на Редакцијата
Се надевам дека во Спортската редакција некој новинар ќе истражи од кои причини беше изоставено името на Зоран Шоров при доделувањето на спортските пензии? Каде и кој е виновен за пропустот? Помеѓу малкуте освојувачи на медали, беа наградувани и заслужните спортисти. Која е причината да биде изоставен овој познат спортист и освојувач на медали? Инаку, знаеме дека Шоров е единствен освојувач на медали од источна Македонија на големи европски натпреварувања и ги има постигнато следниве резултати: второ место во 1987 година на Европското првенство во борење и трето место на Европското првенство во борење во Штутгарт 1991 година , со кој резултат беше и прогласен за најдобар спортист на годината по осамостојувањето на Р. Македонија во 1991 година.
Се надевам цела македонска јавност се радува на овие резултати и никогаш нема да ги заборави. Знаеме дека со овие резултати неговото име заслужува да биде испишано со златни букви во македонската спортска историја.Тој заслужува да биде дел од македонската спортска елита. | 
