Во прва година само 112 ученици

Дебар - Во првиот уписен рок, во прва година во Државното средно училиште „Здравко Чочковски“ во Дебар се запишале само 112  ученици, или околу 35 отсто од предвидената квота за упис. Од вкупно запишаните, 15 се за настава на македонски, 76 на албански и 4 ученици за паралелката на турски наставен јазик. Речиси сите се за гимназиска насока, освен седум од нив, кои се запишани за паралелката на албански јазик градежно-геодетска насока, која за првпат се отвора оваа година. За вториот уписен рок остануваат непополнети вкупно 272 места на трите наставни јазици, 121 на македонски, 121 (од нив за градежната струка 27) на албански и 30 места на турски наставен јазик. (МИА)