Хрватската имиграција застана зад Македонија

Хрватската имиграција во Америка, која брои околу половина милион, испрати писмо до претседателот Барак Обама барајќи тој да и' даде поддршка на Македонија да стане членка на НАТО. По поврзувањето на Обединетата македонска дијаспора со организацијата на турските и на албанските иселеници во САД, ова е уште една влијателна лоби-група што се приклучи на обидите да се поттурне македонскиот прием во НАТО, откако Грција стави вето во Букурешт.

Во писмото до Обама се наведува дека Македонија беше и се' уште е силен сојузник на САД во војната против тероризмот, а нејзиниот прием ќе ја зацврсти стабилноста на регионот и ќе ги охрабри другите земји, како што е БиХ, да преземат неопходни реформи за да станат НАТО-членки.

Писмото е насочено кон претстојниот самит на НАТО во Лисабон каде што, според најавите досега, прашањето околу приемот на Македонија нема да се дискутира, а ќе се повтори заклучокот од Стразбур и од Букурешт. (Н.Р.)