Одложено судењето за бродот „Илинден“

(26.10.2010г.-10:41ч.) Денеска во Охрид требаше да започне судењето за минатогодишната бродска несреќа во Охридското езеро, кога при потонувањето на „Илинден“, загинаа 15 бугарски туристи. Обвинението ги товари капетанот на бродот Сотир Филески и Бранко Баиќ, овластен претставник на германскиот „Лојд“, кој ја гарантирал техничката исправност на бродот, дека сториле „тешки дела против безбедноста на луѓето и имотот во сообраќајот“.
Но, второбвинетиот Бранко Баиќ, кој живее во Белград, не се појави на судењето, бидејќи, како што тврдеше неговиот адвокат, тој воопшто не добил покана за судење. Судијката Милка Таневска, рече дека Баиќ бил уредно покатен преку дипломатски канали.
Поради тоа, судењето е одложено за јануари в година.