Кривични пријави за двајца вработени во ЈПССДП

Само еден од двајцата вработени во Јавното претпријатие за стопанисување со станбен и деловен простор заврши во притвор. Имено, со судско решение притвор му е одреден само за осомничениот Златко Т. (30), додека за лицето Никола М. (57) немало такво решение, бидејќи и не било побарано. Според непотврдени сознанија, Златко Т., осомничен за кривични дела проневера во службата и фалсификување и уништување деловни книги, дал своја одбрана пред истражниот судија, но дека Никола М., осомничен за несовесно работење во службата, наводно, воопшто и не бил распитан.

Според Јавното обвинителство, се товарат дека со нивното работење го оштетиле ЈПССДП за 2.340.180 денари. (Љ.С.)