Елка на желби во „Рамстор“

Црвен крст денес напладне во „Рамстор“ ќе започне со китење на новогодишната волшебна елка на желби, како дел од поддршката на 65 деца сместени во згрижувачки семејства. Во период од 11 до 27 декември сите хумани граѓани ќе можат да одберат и да дадат подарок, остварувајќи новогодишна желба на некое од децата.

Како дел од активноста, во „Рамстор“ секој ден од 12 до 20 часот посетителите ќе можат да купат производ повеќе и да го стават во големата кутија за донации. Од собраните производи ќе се направат пакетчиња за Дневниот центар за деца со церебрална парализа во Капиштец. Црвен крст заедно со Меѓуопштинскиот центар за социјална работа Скопје, ученици од НОВА и Едукативниот центар за образование и поддршка на бегалците ќе организираат изработка на накит, како и новогодишна претстава. (Б.Ш.)