Александра Пилева го промовира новиот албум на живи свирки
„Get Back To Studio Rock 'n Roll“ е насловот на новиот албум на поп-пејачката Александра Пилева, која деновиве се наоѓа на летна турнеја низ земјава и во живо ги промовира темите што се наоѓаат на носачот на звук. На албумот се сместени девет нови композиции, како и песните „Летај со мене“, „Појди“ и „Песна за Македонија“.
Официјалната промоција на „Get Back To Studio Rock 'n Roll“, кој се работеше повеќе од една година во студиото на Гени (постпродукција Валентино Скендеровски), е закажана за 6 септември. |
