Ден на Црвен крст

Црвен крст на Македонија на 8 мај ќе го одбележи Денот на Црвен крст и Црвената полумесечина, а ќе ги започне и активностите за одбележувањето на Неделата на Црвен крст. Годинава одбележувањето ќе се одвива под мотото „Урбаното живеење предизвик, со посебен акцент на активностите од здравствено-социјалниот аспект“. Во насока на негување на убави простори и зачувувањето на животната средина во урбаното живеење, Црвен крст утре симболично ќе засади садници во Паркот на хуманоста, подигнат во дворот на објектот на македонскиот Црвен крст. Паркот свечено ќе го отвори градоначалникот на Скопје, Коце Трајановски. На свеченоста, Црвен крст ќе промовира и доплатна поштенска марка. (Сн.К.)