ЏЕЈН ФОНДА

Пред олтар во 71.година

Добро одржаната пензионирана секс-бомба Џејн Фонда уште еднаш се решила да вплови во брачното пристаниште, овој пат со музичкиот продуцентот Ричард Пери, кој е четири години помлад од неа, а на свадбата ќе бидат поканети и бившите сопрузи.

Џејн се запознала со Пери минатата година, преку својата внука, познатата актерка Бриџит Фонда. Иако по разводот со Тед Тарнер се заколна дека нема веќе да се мажи, Џејн на пријателите им најавила влегување во „необична заедница“, за време на вечерата кај Барбара Стрејсенд и Џејмс Бролин во Малибу.

Се чини дека со Ричард Пери има многу заедничко, меѓу другото, и горливост кон политичките борби, по кои е позната уште од Виетнамската војна. Така, невестата ќе ја предаде нејзиниот син Трој Гарити, од вториот брак со политичарот Том Хајден, кој е поканет на свадбата, како и мажот број 3 - Тед Тарнер.

Ако беше жив, веројатно ќе беше поканет и нејзиниот прв сопруг, легендарниот режисер Роже Вадим.