Почит за настраданите во земјотресот
Со положување цвеќе на гробовите на загинатите во земјотресот, како и на заедничкиот споменик, роднините и градските власти предводени од градоначалникот Коце Трајановски вчера им оддадоа почит на настраданите во кобното јулско утро 1963 година. По повод одбележувањето на 48-годишнината од катастрофалниот скопски земјотрес, пред Споменикот положија цвеќе и претставници од Владата, парламентот, претставници од градскиот Црвен крст и дипломатски делегации. Годишнината од земјотресот традиционално се одбележа и со крводарителска акција, изложби и други манифестации. (Дс.Т.) |
