Сиромаштијата не може да се намали за една година

Aпсурдно е да се мисли дека националната стратегија за намалување на сиромаштијата може да се имплементира и да даде резултати за една година, смета министерот за труд и социјала, Џељаљ Бајрами.

Се надевам дека во наредните две-три години стратегијата ќе се имплементира и во наредниот период ќе почне да дава резултати“, истакна Бајрами, на вчерашната конференција за Национална стратегија за сиромаштија. Тој додаде Владата презема и други мерки за намалување на сиромаштијата и исклученоста, како што се вработување, поттикнување на образованието и заштитата на најранливите групи. „Намалувањето на сиромаштијата е голем предизвик за сите земји. Таа не е само недостиг од средства, туку и недостиг од можности и еднакви шанси за сите за пристоен живот“, истакна Боид, додавајќи дека честопати граѓаните што се борат со сиромаштијата паралелно се справуваат и со други тешки проблеми. Според неа, исклученоста и маргинализацијата се пренесуваат и генерациски. „Нужно е да се спречи пренесувањето на оваа исклученост. Сметаме дека пристапот до образование е најефективен начин да се скрши маѓепсаниот круг на сиромаштија и исклученост“, рече таа.

Во 1997 година, во Македонија имало 19 проценти сиромашни. Највисок процент е забележан во 2003 година - 30,2 отсто, а последните податоци од 2008 година покажуваат дека кај нас има 28,7 отсто сиромашни граѓани. (МИА)