Голди Хоун

Бившиот сопруг пишува книга за нејзините гревови

Беспрекорниот имиџ на холивудската ветеранка Голди Хоун би можел да биде нарушен ако книгата на нејзиниот бивши сопруг Бил Хадсон, во која до детали се опишува нивниот слободен брак, пронајде свој издавач и го здогледа светлото на денот.

Актерката била мажена за Хадсон од 1976 до 1980 година и му родила две деца: ќерката Кејт и синот Оливер. Од него се развела на врвот од својата кариера, и според зборовите на Хадсон, му забранила да ги гледа децата, кои за свој татко го сметале Курт Расел, вториот сопруг, за кого се омажила во 1983 година.

Имено, Хадсон ја обвинува Голди за неверство во бракот, наведувајќи дека почнала да го изневерува брзо по венчавката.

- Ти си мојата сродна душа, но, за жал, јас верувам само во отворен брак - му кажала огнената Голди на тогашниот сопруг. Хадсон вели фека Хоун тогаш во холивудските кругови била позната како „девојка секогаш подготвена за забава“.

- Книгата ја напишав зашто сакав моите деца да ја дознаат вистината. Кејт е уверена дека ја запоставував и ми замерува што нем��ме изградено однос на татко и ќерка. За тоа е виновна нејзината мајка, која не ми дозволуваше да ги гледам своите деца. Таа ги сврте против мене. Жал ми е што Кејт во медиумите споменува дека на нејзиниот вистинскиот татко никогаш не му била важна. Тоа се глупости. Веројатно, и' било потребно малку драма за да го зачини својот совршен живот, во кој за ништо не требала да се испоти. Веројатно, и' било потребно сочувството на нејзината публика - заклучил Хадсон.