Повторно земјотрес во Скопје

Вчераутро, два и пол часа по полноќ, жителите на главниот град и на околината повторно ги вознемири земјотрес, најјак според интензитетот од вкупно три што се почувствуваа во период од само четири дена.

Сеизмолозите информираа дека вчерашниот земјотрес бил со интензитет од 4,5 степени според Рихтер, со епицентар шест километри источно од градот Гнилане, Косово. Републичкиот сеизмолошки завод на Србија соопшти дека земјотресот бил во 2,34 часот со епицентар во близина на тромеѓето меѓу Македонија, Србија и Косово. Освен во Скопје, тој бил почувствуван и во Врање, Прешево и во Бујановац. (Д.Р.)