05.02.2012, 11:44 Путин фаворит на листите за обложување
Британската обложувачница Ледброкс го прогласи актуелниот руски премиер Владимир Путин за апсолутен фаворит на претседателските избори на 4 март и одреди коефициент од 1.05 (95,23 отсто) за обложување за негов триумф.
За победа на самостојниот канидидат Михаил Прохоров добивката е 10-пати поголема од влогот. За победа на некој од преостанатите тројца кандидати Генадиј Зјуганов, Владимир Жириновски и Сергеј Миронов добивката би била дури 25 пати повисока од вложените пари.
Според информација од обложувачницата, еден Русин веќе уплатил 10.000 американски долари за победа на Путин, и во случај да погоди ќе заработи 500 долари.
|
