ЏОРЏ КЛУНИ

Бомба пред вилата на актерот

Пред куќата на Џорџ Клуни во Италија е пронајдена неактивирана мина, наменски направена во Втората светска војна. Експлозивната направа тешка 220 килограми беше откриена во езерото Комо на 13 метри длабочина, точно пред луксузната вила „Олеандре“ на познатиот холивудски актер. До езерото веднаш побрзаа многубројни експерти за експлозиви, а целиот град Лаџлио, што се протега покрај езерото, беше целосно блокиран се' додека не ја деактивираа бомбата.

Италјанската полиција објави дека освен бомбата во езерото се наоѓале и неколку мини и суров експлозив. За среќа, Клуни моментално не се наоѓа во својата вила, вредна 30 милиони долари, па не можеше да сведочи за збрката и конфузијата што се случуваше во гратчето, поради пронајдената бомба. Тој пред два месеца најави дека сака да ја продаде италјанската резиденција, затоа што сака да се пресели на некое помирно место со свршеницата Елизабет Каналис. Се прошири веста дека за вилата „Олеандре“ е заинтересиран парот Бекам и еден руски милијардер.