Од 2011 година, забрана за горивото со олово

Во Црна Гора од 1 јануари 2011 година ќе биде повлечено од употреба горивото што содржи олово, а кое единствено се употребува во Црна Гора, Србија и во Босна и Херцеговина. Рокот за укинување на горивото со олово е предвиден со проектот „Подобрување на квалитетот на горивото во Црна Гора“, кој опфаќа и примена на поинакви стандарди за чисти возила и технологија. Се предвидува со проектот да се овозможи и зголемена контрола на сите видови горива на бензинските пумпи, со цел да се сведе на минимум содржината на супстанците што ја загадуваат животната средина. (МИА)