Рамковниот не е прекршен, вели Муса Џафери

Новиот вицепремиер задолжен за спроведување на Рамковниот договор, Муса Џафери, во интервју за Радио Слободна Европа по повод 10-годишнината од неговото потпишување, вели дека Договорот го вратил мирот во Македонија. Прашан дали со изгласувањето на законите за јазиците и за знамето, како и автентичното толкување на Законот за амнестија може да се смета дека станува збор за проширување на Рамковниот договор, Џафери е категоричен дека тоа не е така, но одбегнува да одговори за амнест��јата на хашките случаи.

„Имаме два закона и едно автентично толкување на законот за амнестија, кој е донесен 2002 година, што не е исто. Уставниот суд толкуваше некои членови на Законот за употреба на симболите на етничките заедници и се покажа потреба од дополнување на Законот да не остане тој вакуум и мислам дека се' е процедурално и е во склоп на Охридскиот договор и Уставот. Што се однесува до Законот за употребата на јазиците, има прецизирање на некои одредби на законот и навистина не знам зошто такви толкувања дека нешто е преку рамката“, вели вицепремиерот Џафери во интервјуто за Радио Слободна Европа. (П.Р.)