Поранешни југохромци бараат плати

Исплата на осум заостанати заработувачки, ревизија на приватизацијата од 2002 година, прибирање докази за организиран криминал во ХЕК „Југохром“. Ова се барањата на Иницијативниот одбор на поранешните работници и акционери на комбинатот соопштени на вчерашниот јавен собир пред управната зграда на „Југохром“ во Јегуновце. „Во време на приватизацијата, комбинатот бил продаден за тогашни 500 илјади германски марки, додека во магацините имало околу 15 милиони евра во репроматеријали и резервни делови“, рече претседателот на Иницијативниот одбор, Исен Фетаи.

Иницијативниот одбор најави продолжување на институционалниот пат за остварување на правата на околу 1.800 поранешни работници и акционери во „Југохром“. (Г.Е.)