Мерсиха Шукри

харфистка

Претпладнево го минувам на акустична проба за мојот вечерашен концерт во Даут-пашин амам, во рамките на „Скопско лето“. Потоа одмор и подготовки на гардеробата, шминката, фризурата... Еден час пред настапот повторно се расвирувам во Даут-пашин амам, а од 20,30 ч. започнува моето концертно дружење со публиката.

Ранко Рангелов

хуморист

Пред три недели се вратив од турнеја низ Австралија, па деновиве сум ангажиран со подготовката на турнејата во октомври на Орце Стефковски и Тања Стефановска. Треба да проверам дали се отпечатени нивните ЦД-а. Иако октомври изгледа далеку, веќе треба да почнат подготовките.

Маргарита Христова

пејачка

Денеска сум дома, во Битола, и планирам денот да го посветам на интензивна „турнеја“ по туристичките агенции. Решена сум в недела, на 12 јули, да заминам на одмор, па се трудам да ја пронајдам најоптималната варијанта. Како што ми се чини, тоа ќе биде или Хрватска или Турција.