Центар за регионален развој во Штип
ШТИП - Првиот Центар за рамномерен регионален развој на единаесет општини од Брегалничкиот плански регион е отворен во Штип. Владата на овие општини им додели 14 проценти од вкупните средства или над девет милиони денари.
„Овој регион ќе може да профитира и од меѓународната соработка на Македонија и Бугарија“, изјави министерот за локална самоуправа, Муса Џафери. Главни поддржувачи на регионалниот развој се германската влада и ГТЗ РЕД, кои ја обезбедија целокупната инфраструктура за работа на центарот.
„Ова е чекор напред и покажува дека Законот за рамномерен регионален развој навистина се имплементира“, нагласи заменик-амбасадорот на Германија во Македонија, Елизабет Мидер. (Д.Р.)
|
