Уплатени 105 млн. денари за земјиште

Здравствената установа „Филип Втори“ уплати 105 милиони денари за градежното земјиште во Карпош 2 наменето за изградба на здравствени институции. Локацијата со површина од 8.400 квадратни метри „Филип Втори“ ја купи на јавно наддавање на кое понуди најповолна цена од 12.500 денари за квадрат.

За земјиштето што се наоѓа меѓу улицата „Бледски договор“ и булеварите „Илинден“, „8 Септември“ и „Партизански одреди“ Деталниот урбанистички план предвидува изградба на објекти - здравствени институции, со можност од алтернативна класа на намена за мали комерцијални деловни дејности. Министерството за транспорт и врски ќе склучи договор за отуѓување на градежното земјиште, со кој најповолниот понудувач се обврзува да обезбеди одобрение за градење во рок од девет месеци од извршената солемнизација на договорот. (С.Р.)