... И уште нешто
Евра на автопат
Војник на Бундесверот пронашол еден милион евра на автопат во германската покраина Баварија и и' ги предал на полицијата.
Но, наместо да биде награден за својата чесност, 41-годишниот маж ризикува да бидат обвинет затоа што си заминал со парите и ги задржал кај себе два дена.
„Егзит 2011“
Со настапот на групите „Палп“ и „Аркед фајр“, синоќа на Петроварадинска тврдина во Нови Сад почна 12. музички фестивал „Егзит“ и ќе трае до недела 10 јули. Публиката на 20 бини ќе може да види повеќе од 600 изведувачи од целиот свет, вклучувајќи ги „Едиторс“, „Портисхед“. „Џемироквај“. „М.И.А.“ и други.
Возење
Во Хрватска од почетокот на јули ст��пија во сила измените на Законот за движење по патиштата, кои предвидуваат тројно повисоки парични казни. Возачите што непрописно вртат или се движат во забранета насока ќе платат од 676 до 2.029 евра. За неправилно престигнување е предвидена казна од 406 евра.
Закинтос
Два шумски пожара избувнаа на грчкиот остров Закинтос во Јонско Море. Грчките медиуми јавуваат дека противпожарните служби и наспроти силниот ветар, успеале да се справат со огнените стихии и речиси целосно да ги изгаснат. Во двата пожари, огнот зафатил реони со борова шума.
Екстрадиција
Македонија и Хрватска денеска ќе го парафираат текстот на Договорот за екстрадиција. Тој предвидува екстрадиција на државјаните на државите потписнички за кривични дела од организираниот криминал и корупцијата и оневозможување злоупотреба на двојното државјанство за одбегнување казнено гонење
|
