ИВЗ ја обвини Владата дека ги дели граѓаните на верска основа

Со измени на Законот за денационализација, ИВЗ ќе остане без имотот во Старата чаршија

Билјана Јовановска

„§ дадовме уште една шанса на Владата да ја коригира дискриминаторската и исламофобична политика, но последниот чекор што го презеде за измена и дополнување на Законот за денационализација, е јасен сигнал дека наместо да создава рамноправни услови за сите граѓани и да чекори кон ЕУ и кон НАТО, го избра газењето на основните човекови права и узурпацијата на тужи имоти“. Со вакво обвинување излезе вчера поглаварот на Исламската верска заедница, Сулејман Реџепи, кој потенцира дека со ова Владата сака да се самопрогласи за легитимен сопственик на вакуфот и да го оневозможи неговото враќање.

Според Реџепи, за 12-годишниот период на приватизацијата биле направени низа узурпации и злоупотреби на имотот ИВЗ, а со законските измени се создава проблем околу нивното враќање. Со донесувањето на Законот за Старата скопска чаршија, таа се прогласува за заштитена зона со посебно значење, така што се оневозможува враќање на имотите. Новите измени ќе значат дека Капан-ан, Сули-ан, Безистен, Детскиот театар и десеттина дуќани ќе останат во сопственост на државата со што, како што рече поглаварот Реџепи, „дефинитивно се отстранува муслиманскиот елемент од Старата чаршија“.

Тој ја обвини Владата дека во желбата да го славјанизира овој дел од градот, дозволува Албанците да се кираџии на сопствениот имот.

Како посебен проблем ја истакна и потребата барањата за денационализација да бидат регистрирани во Јавната книга, а познато е дека ИВЗ таму нема евидентирано ниту едно барање. Реџепи информираше дека од 350 барања доставени од ИВЗ, со кои се бара враќање на четири милиони квадрати земјиште, ливади, пасишта и шуми и околу 42.000 квадрати станови, куќи и дуќани, за 12 години им се вратени само 10 отсто.

Со ова, вели поглаварот на ИВЗ, „Владата испраќа порака дека не е за соживот, за мултиетничка, мултиконфесионална и демократска држава, туку се јавува како столб на поделба на граѓаните врз етничка и верска основа и ги продлабочува омразата и поделбите. Доколку не го смени политичкиот курс, Владата ќе ја врати државата во насока на крстоносците, кои зад себе оставија само жртви, омраза, делби и болка“.

Реис-ул-улемата Реџепи предупреди дека трпението им е при крај и за натамошно ескалирање на состојбите, единствен виновник ќе биде Владата, па во тој контекст апелира да се стопираат измените на Законот за денационализација.

Прашан дали се точни тврдењата дека ИВЗ нема тапии за Бурмали-џамијата и за локацијата на која се гради Филхармонијата, тој б��ше категоричен: „Тоа е апсолутно неточно. Не постои никаков пазар и вицепремиерот за оваа изјава ќе биде даден на суд. На Управен суд го добивме спорот за земјата на која ќе никне Филхармонијата, додека земјиштето на Кале само ни е ветено, ама не и добиено“. Реџепи, исто така, демантираше дека на средбата со претседателот Иванов и со премиерот Никола Груевски станало збор за давање согласност да се откажат од обновување на Бурмали-џамијата. Напротив, рече, остануваат на цврстиот став на скопскиот плоштад да биде обновена џамијата, која изгоре во 1925 година.