Маневски ја игнорира администрацијата

Здружението на судска администрација и по една година постоење се' уште не остварило средба со министерот за правда Михајло Маневски, се пожалија вчера од здружението.

Основни цели на здружението се создавање основни услови за добро функционирање, донесување стратешки план, учество во донесувањето на законот за судска служба, како и унапредување на вработените и професионално усовршување.

„Здружението е формирано со цел да се заштитат интересите на вработените судски службеници, како и нивното професионално унапредување. Иако два пати писмено се обративме до министерот и до неговиот шеф на кабинет, сепак, досега не се сретнавме со министерот“, изјави Борче Мирчевски. (П.Р.)