Нападнато македонско семејство кај Пловдив
СОФИЈА – Македонско семејство е нападнато од непознати лица на патот кон Пловдив, во близина на селото Скотаре. Како што јави агенцијата Бг-нес, повикувајќи се на изјава на полицијата во Пазарџик, возилото на Македонците марка „мерцедес“ било блокирано од друго возило во кое се наоѓале три маскирани лица.
Напаѓачите ја претресле колата, при што од Македонците го одзеле златниот накит, парите и мобилните телефони. Потоа, семејството било однесено во блиското село, каде што биле заврзани, а нивното возило запалено. На местото на грабежот бугарската полиција врши истрага. (Макфакс) |
