Скопјанец ограбил 40 возила

Скопјанецот А.Б. (29) е осомничен дека во Гостивар извршил 40 кражби, од кои 35 во возила, а пет се одземање на моторни возила. Според гостиварската полиција, А.Б. ги извршил кражбите од мај до септември годинава. Скопјанецот најчесто крадел радија и друга музичка опрема, мобилни телефони, чанти, возачки и сообраќајни дозволи, пари и друго, кои потоа ги продавал на градскиот пазар. (Г.А.)