Со автоматска пушка ограбиле маркет

Деветнаесетгодишниот И.Ш. од Грчец и А.С. (16) од Долна Арнакија се осомничени дека пред три недели извршиле разбојништво во маркет во скопското село Сарај. Според полицијата, разбојничкиот напад се случил на 13 октомври околу 18,50 часот кога двете момчиња со маски на главите и со автоматска пушка влетале во маркетот на улицата „Маршал ��ито“. Тие и' се заканиле на вработената дека ќе ја убијат, по што од касата го зеле дневниот промет во висина од 8.000 денари. По грабежот, пешки се упатиле кон селото Грчец. (Г.А.)