Принц Хари
Натали Имбрулја е новата британска снаа
Принцот Хари и пејачката Натали Имбрулја се видени заедно во ВИП-делот на фестивалот „Хард-рок колинг“, што се одржуваше во лондонскиот Хајд парк. Британскиот „Сан“ објави дека Хари и Натали станале пријатели откако тој ја прекина врската со Челзи Дејв, за која се мислеше дека ќе биде новата британска невеста. Но, поради „големи разлики“, Хари ја остави Челзи и веќе неколку пати е виден во друштво на пејачката Имбрулја.
Принцот и пејачката се видени и како страсно се гушкаат. Британските медиуми го опишуваат тоа како „пријателско гушкање со сериозни намери“.
На фестивалот се сретнале за време на настапот на „Килерс“, а потоа во ВИП-делот вечерале заедно со пејачот Том Џонс.
Принцот претходните денови изјавуваше дека страда поради бившата љубов. „Таа е најдобрата работа што ми се случила во животот“, изјави тогаш прицот. Сега, неколку недели подоцна, изгледа успеал да ја преболи долгогодишната љубов и да продложи напред, во прегратките на Имбрулја. |
