Светската банка ги намали прогнозите за глобалниот раст
Растот на цената на храната и на горивата го забавува закрепнувањето на светската економија во оваа година, констатираше Светска банка, намалувајќи ја прогнозата за растот на светската економија. Во последната прогноза на СБ се очекува глобалниот економски раст во 2011 година да изнесува 3,2 отсто, за разлика од јануарската прогноза кога се предвидуваше раст од 3,3 отсто. Наредната година светската економија би можела да се зголеми за 3,6 отсто, а иста прогноза СБ предвидува и за 2013 година. „Натамошното зголемување на и така високите цени на нафтата и на храната би можело значително да го ограничи економскиот раст и да им наштети на сиромашните“, предупреди главниот економист на СБ, Џастин Лин. Стапката на раст на светската економија лани изнесуваше 3,8 отсто. (Ек.Р.) |
