Директорот на ОДИХР на изборите
Директорот на Канцеларијата за демократски институции и човекови права при ОБСЕ, ОДИХР, словенечкиот амбасадор Јанез Ленарчич, ќе престојува во Македонија на денот на изборите. Ленарчич, кој вечерва доаѓа во Скопје, в недела, како што дознаваме, ќе посети неколку гласачки места каде што ќе бидат распоредени меѓународните набљудувачи од ОДИХР. Предвидено е Ленарчич да присуствува и на објавувањето на прелиминарниот извештај на ОДИХР за денот на гласањето и изборната кампања в понеделник.
Ленарчич е поранешен словенечки амбасадор во ОБСЕ од 2003 до 2006 година, а на чело на ОДИХР дојде во јули 2008. (Т.Г.) |
