Се асфалтираат улици во Драчево

Општина Кисела Вода, реализирајќи ја програмата за комунални дејности, изминатиов период асфалтираше улици во населбата Драчево. Нов асфалт е поставен на улиците „Солунска глава” со крак до амбулантата „Ла вита” со вкупна површина од 690 квадратни метри. Во исто време се асфалтираше површина од 373 квадратни метри на улицата „Качулевска”. За двете улици од општинската каса беа издвоени 1.010.000 денари. Градежните активности продолжуваат со асфалтирање на уште неколку улици. Наредниов период е планирано да се стави нов асфалт во должина од еден километар на улицата „Герника 1“, а потоа на ред се и улиците „Герника 3“ и „Герника 7“. Изведувач на градежните работи е фирмата „Маврово инженеринг“. (Сн.К.)