ЛИЧНОСТ
Константин Караманлис
Толкувачи на четиридневниот хаос во Грција велат дека постојат две изнудени решенија кои можат да ја стабилизираат земјата. Прво, оставка на премиерот Костантин Караманлис чие четиригодишно владеење повеќе асоцира на беззеконие во кое на површина излегоа многу скандали, не само корупциски туку и такви поврзани за „секс, лаги и ДВД“, пребегнување пратеници, светогорско-поповски финансиски малверзации.
Втора опција е, како што заговара дел од грчкиот печат, Караманлис да прогласи вонредна состојба во земјата што ќе значи давање право на државата (полицијата) да влезе во автономната територија на универзитетскиот кампус во Атина, нешто што не се случило од студентските протести на 17 ноември 1974 година. Трето, е санкционирање на сегашната немоќ на владата, за што, се чини, се залага Караманлис, кој преку популистичкиот повик за национално единство најави дека само со еден пратеник плус, на кој му почива парламентарното мнозинство, нема идеја што понатаму.
Караманлис (52) е првиот грчки премиер роден по Втората светска војна, внук на Константин Караманлис кој ја основаше партијата Нова демократија на чие чело е сега премиерот. Оженет е за Наташа во 1998 и има близнаци, син и ќерка родени во јуни 2003. (Д.Ч.) |
