ШЕРИЛ КОЛ

Се бори за вилата, а сопругот за осминафиналето

Битката што ја води пејачката Шерил Кол за вилата во која живееше со фудбалерот на „Челзи“ и англиската репрезентација, Ешли Кол, се покажа како голем проблем во разводниот процес со досегашниот сопруг. „Таа се' уште не бара нов дом, туку ��е обидува да се избори за куќата што ја делеа. Таа, просто, е вљубена во неа“, откри нејзин близок пријател. Според изворот, куќата е можеби единствената причина што го забавува завршувањето на разводот.

„Шерил сака да живее во вилата, а чувствува дека Ешли пополека ја турка оттаму, постојано собирајќи се и се забавувајќи се со своите пријатели“, рече познаникот на атрактивната Шерил. Според неговите зборови, спортистот таму организира и мини фудбалски мечеви и секогаш носи нови луѓе, а Шерил се чувствува како падобранец во сопствениот дом. Соседите на познатиот пар се надеваат дека на крајот Шерил ќе успее да ја добие вилата, зашто, очигледно, Ешли и неговите гости прават неподнослива врева.

Моментално, додека Ешли се мачи со својата репрезентација да стигне до осминафиналето на Светското фудбалско првенство во Јужна Африка, убавата пејачка има предност, повлекувајќи конци и запознавајќи нови луѓе, таа е чекор понапред во бракоразводната парница.