Армиските станови меѓу СДСМ и ВМРО-ДПМНЕ

„Само во Скопје има 480 стана во сопственост на Владата со кои стопанисува Јавното станбено претпријатие, а кои се диво вселени. Овие станови може да им се доделат на старешините и на професионалните војници и на тој начин веднаш ќе се реши нивното станбено прашање наместо со години да чекаат изградбата на нови“, предложи вчера Стевчо Јакимовски, претседател на Градската организација на СДСМ, давајќи поддршка на секој проект што е во интерес на припадниците на АРМ, особено што во границите на општината Карпош се наоѓа касарната „Илинден“.

На предлогот реагираше министерот за одбрана, Зоран Коњановски, обвинувајќи го Јакимовски дека свесно создава проблеми, така што го кочи донесувањето на ДУП-от за касарната. На тој начин тој ја урива и надежта на илјадници семејства. (МИА)