„Славејчињата“ направија хаос на „Партизанска“

Секојдневните концерти на „Златно славејче“ во Универзална сала докажаа дека изградба на паркинг за објектот е приоритет што не трпи одложување. Откако се гради комбинираната катна гаража во дел од нејзиниот двор, со што капацитетот на постојниот паркинг значително се намали, посетителите на салата се оставени на милост и немилост. Деновиве, пак, најчестите гости на салата - децата дури се изложени на ризик. Автобусите ги „истовараат“ во метежот на „Партизанска“, очигледно немајќи соодветно место за паркирање, па макар и за кратко, што создава невиден хаос во сообраќајот. (Дс.Т.)