Битолски адвокат загина во сообраќајка

БИТОЛА - Познатиот битолски адвокат Томислав Крушаровски (60) загина во сообраќајна незгода, откако со своето „пежо 106“ излетал од коловозот. Несреќата се случила завчеравечер, околу 21 часот, на излезот на Битола кон Охрид, кај мостот во близина на бензинската пумпа „Лукоил“. Како што информираше битолската полиција, до несреќата дошло кога од засега неутврдени причини Крушаровски, обидувајќи се да премине друго возило, на критичното место изгубил контрола и излетал од патот. Потоа неколкупати возилото се превртело. Крушаровски од здобиените тешки телесни повреди починал на самото место. Врз мртвото тело ќе се врши обдукција. (А.Б.)