Екофестивал на Вардар
Од понеделник до четврток ќе се одржи манифестацијата Екофестивал на Вардар. Манифестацијата е во рамки на Септемвриската културна обнова и ја организира Младинскиот културен центар во соработка со НВО „Обука“. Фестивалот, што ќе се случува на кејот на Вардар има за цел да ги одрази различните градски слоеви, мултиетничкиот, мултирелигискиот и мултикултурниот карактер на градот на двата брега на реката. Фестивалските активности ќе претставуваат спој помеѓу урбаното, градот, културата, природата, реката, животната средина. Преку низа уметнички и културни содржини, во текот на четиридневните случувања треба симболични да се покаже како да се подобрува и како да се негува односот на граѓаните спрема градот и реката. Програмските содржини на фестивалот ќе ги вклучат жанровите стрит-арт, ленд-арт, инсталации, јавни акции.
|
