„Бит-фест“ се затвори со Кирил Џајковски и цел обоен во бело
Годинешниот „Бит-фест“ се затвори во саботата во исклучителна атмосфера. Како што јавуваат оттаму, Широк сокак бил претесен да ги собере сите што дојдоа на концертот на Кирил Џајковски, на полноќ Битола ја осветли голем огномет, а оваа последна ноќ од најдолгата и најбогата манифестација, која се одржува по 6. пат, беше цела обоена во бело.
Затворањето започна со ревијата насловена „Рециклирај се и рециклираното е убаво“. Веднаш потоа во прекрасниот изложбен простор „Магаза“ беше отворена изложбата на Сашо Ристевски, која беше посветена на годинешното издание на „Бит-фест“ и неговите 130 настани, од кои Ристевски се обидел да го претстави најдоброто.
За крај, Кирил Џајковски и се' обоено во бело, како порака дека животот е убав (La Vita e Bella), а уште поубав е во Битола. Џајковски ја запалил илјадитата публика, која покажа дека во Битола има публика и за уште поголемо културно лето од годинешното. |
