Деветнаесет граѓани ќе го чистат дворот на Општина Центар
Инспекцијата на Општина Центар во изминативе две недели фатила 24 лица кои го прекршиле Законот за јавна чистота. Од нив 19 прифатиле да вршат општокорисна работа, а само петмина платиле за сторениот прекршок. Четворица од оние кои се одлучиле казната да ја платат преку работа се ангажирани за чистење и уредување на дворот на општината, додека другите работат во паркот „Опатија“ и Урбан-парк.
Општинарите објаснуваат дека казнетите лица кои прифатиле општокорисна работа, се пријавуваат во општинското Одделение за комунални работи и заштита на животна средина, каде што одговорните лица вршат евиденција на сите пријавени.
Потоа, на нив согласно со Правилникот за извршување општокорисна работа, им се издава упатница во која се наведени локацијата, терминот и потребниот број часови за надоместување на прекршокот. |
