„Синестезија“ за Денот на Музејот на Белград

Изложбата „Синестезија“ на Музејот на современата уметност од Скопје, која досега беше презентирана во Виена, Скопје и во Рим, утревечер во 19 часот, ќе биде отворена во Белград, во „Конакот на кнегиња Љубица“. Куратор е Викторија Васева-Димеска, а таа содржи дела од македонските автори: Томе Аџиевски, Антони Мазневски, Жанета Вангели, Искра Димитрова, Благоја Маневски, Јован Шумковски, Станко Павлески, Велимир Жерновски, Ѓорѓе Јовановиќ, Вана Урошевиќ, Јане Чаловски, Исмет Рамиќевиќ, отец Методиј Златанов и групата ОПА (Слободанка Стевческа и Денис Сарагиновски).

Изложбата ќе ја отворат Ивана Авжер, секретарка за култура на град Белград, Даница Продановиќ, директорка на Музејот на град Белград и Елиза Шулевска, директорка на Музејот на современата уметност.

Овој проект, со кој свечено се одбележува денот на Музејот на град Белград и празникот на градот, се смета за впечатлив почеток на обновување на поранешната долгогодишна соработка во областа на културата меѓу Македонија и Србија. Изложбата е финансирана од македонското Министерство за култура. (К.Б.)