ЏОНИ ДЕП
Наскоро пред олтар
Актерот Џони Деп и неговата сакана Ванеса Паради, конечно, одлучиле својата врска да ја крунисаат со брак. Во прилог на тоа говори фактот дека Деп неколку пати посетувал златарница, бирајќи го вистинскиот прстен за неа без да води сметка за цената. Дури за време на неговата посета дуќанот бил затворен за другите муштерии.
Се чини дека актерот, кој отсекогаш велел дека му е многу поважно што чувствува отколку потписот на лист хартија, одлучил својата невенчана сопруга, со која десет години е во врска, да ја однесе пред олтар. Притоа, Паради неодамна открила дека ништо не би и' пречело доколку во нивниот живот следуваат мали моменти на романтика.
„Ја сакам романтиката, но бракот и не ми е многу важен. Се чувствувам како да сум во брак многу повеќе отколку други кои навистина се дел од него. Имаме две деца. Можеби еден ден ќе се венчаме, но навистина можам да живеам и без тоа“, појаснила Ванеса Паради. |
