Се пробива вториот дел на „Македонска војска“

За половина година се очекува да биде пробиен вториот дел од булеварот „Македонска војска“ во Општина Ѓорче Петров. Градежните работи на овој капитален проект почнаа вчера за што од градскиот буџет се издвоени 25 милиони денари. Планирано е пробивање на 800 метри од сообраќајницата и изградба на коловоз широк седум метри, со по една коловозна лента во секоја насока. По должината на улицата ќе се изградат и тротоари од бекатон-плочки, а ќе се постави и ново улично осветлување. Пробивањето на булеварот ќе се искористи и за да се постави нова канализациона мрежа.