Фатени бегалци од ВП-дом

Охридската полиција ги фати тројцата малолетници што пред неколку дена избегаа од воспитно-поправниот дом „Тетово“, кој привремено е сместен во Велес. Двете 19–годишни момчиња од Струга и од Битола, како и 11- годишникот од Радовиш, биле забележани кај плоштадот „Крушевска Република“ кај Чинарот, во центарот на Охрид. Тие не се спротивставиле во обидот да бидат легитимирани, но давале лажни податоци. По приведувањето во полиција објасниле дека најпрво заминале во Штип, а от таму во Охрид и во Струга. „Таму, од соблекувалната во средното училиште ’Нико Нестор‘ успеале да украдат три мобилни телефони. Потоа, во Охрид оствариле контакт со наркодилер, на кого му ги дале двата мобилни телефона во замена за одредена количина хероин“, информираат од полицијата. Против нив ќе биде поднесена пријава и ќе бидат предадени на надлежните во ВП-домот. (Д.Т.)