Осветлување на патеките на Вардар

Екипи на „Магнус инженеринг“ работеа на осветлување на пешачката патека од десната страна на кејот на Вардар во општината Ѓорче Петров и на ролерската патека од левата страна на потегот од мостот „Гоце Делчев“ до мостот на булевар „8 Септември“ кај хотелот „Александар палас“.

На левиот брег епоставена кабелска мрежа од 3.300 метри и 98 столба високи шест метри со светилки од 150 вати. За поголема циркулација на минувачи и рекреативци на пешачката патеката во Ѓорче Петров, на потегот од мостот за влез во општината Сарај до фабриката „Купром“ се планира кабелска мрежа од 4.200 метри и 144 двосегментни столба со висина од 4,5 метри, на кои ќе бидат поставени штедливи светилки од 100 вати.

Градот издвои 7,3 милиони денари за пешачката и 5,3 милиони за ролерската патека. Изведувач на работите е компанијата „Дигитал“. (Б.Ш.)