ПЕНЕЛОПЕ КРУЗ И ХАВИЕР БАРДЕМ

Шпанските актери го добија своето прво дете

Пенелопе Круз и Хавиер Бардем во вторникот, на 25 јануари, го добија своето прво дете. Приновата дошла на свет во болница во Лос Анџелес, а засега не е познато дали е момче или девојче. Шпанските актери, Пенелопе Круз (36) и нејзиниот 41-годишен сопруг, строго го чуваат својот приватен живот од очите на јавноста, па така, не сакаа да откријат ни кое име и' го дадат на приновата.

Шпанскиот актерски пар ја озакони својата врска во почетокот на јули минатата година на Бахамите. На церемонијата на венчавката присуствувале само членовите на најтесното семејство, а тоа е прв брак за двајцата. Пенелопе и Хавиер се познаваат уште од 1992 година, а врската ја започнаа во 2007 година. Овие двајца оскаровци заедно имаат глумено во три филма: „Шунка, шунка“, „Живо месо“ и „Вики, Кристина, Барселона“.